النهارده درس هنتكلم في المقال ده بالتفصيل عن خدمة فودافون كاش
ماهي خدمة فودافون كاش
في مصر لوانت بتتعامل في شغل معين علي النت او عايز تبعت لحد بعيد عنك فلوس او في محافظة تانية مثلا ….فانت بتبعت له عن طريق حوالة بريدية او حوالة بنكية بس مشكلة البنوك انها مبتفتحش طوال الاسبوع ومركز البريد ليه مواعيد فكان لازم يكون فيه حل للمشوار ده ؟
الحل كان في ان شركات الاتصالات في مصر بدأت انشاء خدمات لارسال المال واستقباله كاش زي ( خدمة اتصالات كاش ،وزي خدمة وفودافون كاش ، وخدمة اورانج موني )
والهدف من ورا الخدمات دي انك بدل ماتقعد تستني البنك او مركز البريد عشان يفتح لأ انت يكون معاك محفظة علي تليفونك في الشركة اللي خطك متسجل فيها سواء كانت فودافون او اورانج او اتصالات .
ورقمك اللي انت متسجل بيه بيتبعتلك عليه فلوس وبتسحبها من اي فرع فودافون قريب اوعن طريق خدمة فوري او بتسحبها من ماكينة صرافة بتتعامل مع فودافون كاش .
فانت بدل ماتروح وتستني البنك عشان الفلوس فلوسك بتبقي معاك في المحفظة اللي علي تليفونك وانت هتسحبها في اي وقت . واطمن فودافون كاش ملهاش دعوه برصيد الاتصال لان دي حاجة ودي حاجة .
لانها محفظة فلوس منفصلة عن الرصيد الخاص بشحن خطك يعني ملهاش دعوة بيها والخدمة دي الاشتراك فيه ببلاش .
يعني حتي لو انت مفيش معاك رصيد في خطك فودافون اللي معاك ينفع تشترك فيها ، انت بتروح
فرع فودافون بخطك اللي بكون متسجل ، وتاخد بطاقتك وتكون سارية وتقوله اانا عايز اسجل في خدمة فودافون كاش .
ماهي طريقة الإيداع في فودافون كاش ( إزاي أحط فلوس في محفظة فودافون كاش )