السلام عليكم زوار مدونتنا أهلا وسهلا بكم
سنتحدث اليوم عن حلول البايبال المصري
فهذه التدوينة موجهة للمصريين الذين يواجهون مشاكل في تفعيل حساب البايبال المصري وسحب الأموال علي حساب البايبال المصري .
قبل البدء بالشرح لابد ان تعرف ان البايبال المصري تحت رحمة البنك المركزي ، والبنك المركزي كل يومين يلاعبنا يشويه يشغلوا وشوية يقفلوا
علي حسب الزرار اللي بيتك عليه المسؤول . لكن ده مش موضوعنا نرجع لموضوعنا وده كان مجرد توضيح عشان تبقي فاهم الدنيا ازاي .
ماهو البايبال :
البايبال هو عبارة عن بنك الكتروني لتحويل الموال والشراء من علي الانترنت ، وله مزايا عديدة انك يمكن تحويل للبنك او للفيزا والسحب عليها ، والبايبال الكندي والامريكي والاماراتي يمكنك السحب والشراء منه بدون تفعيله بفيزا علي عكس البايبال المصري اللي حكايته حكاية .
البايبال المصري :
هو مفيد اذا كنت مفعله وساحب عليه لكن غلبا بتواجه المشكلة مع الفيزا او البنك اللي بتسحب عليها .
أحسن طرق لتفعيل البايبال المصري والسحب في مصر 2019 :
1- حساب qnb للشباب
دي من وجهة نظري احسن طريقة لتفعيل البايبال في مصر والتخلص من مشاكله انك تتعامل مع بنك حترم زي بنك قطر الاهلي ، وتفكك من المشاكل اللي هتواجهك .
ودي بتم عن طريق انك بتفتح حساب للشباب وتودع 2000 جنيه ، في بالبنك و75 جنيه تقريبا لاوراق فتح الحساب والفلوس البنك مش بياخدها دي بتاعتك موجودة في حسابك .
وبعدين هتستلم فيزا كريدت اربطها مع البايبال وكمان هتستلم فيزا للشراء من علي النت
ويمكنك برده ربطها مع البايبال ، ولكن الاهم في ربط الحساب هي الفيزا الكريدت .
وكمان يمكنك ربط حسابك البنكي مع البايبال وذلك من الاتصال علي رقمهم من خلال الدعم الفني .
رسوم السحب الاموال علي الفيزا انت بيتخصم منك 5 دولار من البايبال نفسه لو بتسحب علي الفيزا ، ودي لو بتسحب علي اي فيزا .
لكن اعتقد ان السحب علي الحساب بدون رسوم هذا والله أعلم .
وبهذه من وجهة نظري احسن طريقا حاليا للسحب في مصر لانك يعتبر بتتعامل مع بنك قطري مش مصري وشيل دماغك من حوارات البنك المركزي ، لكن لو مش معاك 200 جنيه فتابع بقية الشرح .
2- فيزا ايزي باي من البريد المصري :
فيزا ايزي باي دي حلوة ووحشة في نفس الوقت وهشرح السبب بالتفصيل
الفيزا ب25 جنيه بس يمكنك الحصول عليها من اي فرع مركز بريد الرئيسي .
وبعدين تكلم خدمة العملاء بتاعت البريد وتمليهم بياناتك ورقم الفيزا ورقم السري
عشان يفعلك الفيزا .
وبعد كده ترجع لمركز البريد عشان تودع فيها ولازم يكون معاك البطاقة بتاعتك والرقم السري .
اقل مبلغ للايداع هو 100 جنيه واكبر مبلغ 5000 جنيه .كل ده تمام تعال نشوف بقي مشاكلها .
مشاكل وعيوب فيزا ايزي باي :
1 – انك مبتسحبش غير من مركز البريد والسحب من ماكينات atm ببقي غير متاح دايما ولو متاح بياخدوا 5 جنيه من الماكينة علي السحبة .
2- البطاقة بقت بتاخد عمولة 3 % علي اي رصيد بتسحبه .
3- مينفعش تودع الا من مركز البريد اللي بيفتح بمواعيد وببقي اجازة يومين في الاسبوع ولو كان فاتح ببقي زحمة ووجع دماغ .
4- انك تحت رحمة البنك المركزي في اي لحظة يوقف البطاقة .
5- صعوبة التعامل مع الموظفيين الحكوميين في المركز البريدي بسبب الزحمة ، وكذلك في التحدث مع الدعم من خلال الهاتف مبيحلش مشاكلك .
6- مواجهة مشاكل غالبا في ربطها مع البايبال ، أو تعليق السحب لمدة اسبوع او شهر وحتي يمكن ان تسحب ولايصلك المال كم حدثت مع بعض الاصدقاء
واذا تحدثت مع الدعم الهاتفي هيقولك ببساطة ان السيستم واقع .
حكايتي مع البريد المصري :
عشان تفهموا وجهة نظري لازم احكيلكم حكايتي مع البريد المصري كان فيه في 2016 فيزا للبريد اسمها الاسرة كانت برده بتفعل البايبال المصري وكانت ب15 جنيه مدتها سنة .
المهم كانت عامل بايبال مصري وربطه بالفيزا احاول اسحب 35 دولار عليه ابدا ولايمكن سحبهم ، وجبت اياميها بطاقة وهمية بتاعت .
حساب coinizy وسحبت عليهم الفلوس وحسابي اتقفل لان كان حساب سعودي لان مينفعش تفتح حساب مصري عليه والفلوس ذهبت مع الريح .
المهم حاولت اسحب علي كذا فيزا علي البايبال المصري وفشلت قمت قافله وفاتح واحد كندي والحمد لله شغال معايا تمام .
جيت في شهر 9 السنة اللي فاتت 2018 عايز افتح حساب في جوجل بلاي مطور وكان لازم ادفع 25 دولار الرسوم وملقيتش قدامي حل .
غير اني اجيب بطاقة ايزي باي ، فقدت اسبوع رايح جاي عشان اجيبها وبعدين افعلها واحط فيها الفلوس حطيت فيها 500 جنيه تقريبا
وبعدين كل ام اجي افعل حساب جوجل بلاي واربط الفيزا مع الحساب يقولي تم التعليق وسيتم التحقق خلال 48 ساعة . وبعد 24 ساعة او اقل الحساب يتلغي والفلوس متتسحبش من الفيزا وترجع ويجيلي رسال حل المشكل مع حسابك البنكي علي الايميل .
كل يوم اكلم الدعم يقوللي المشكلة في السيستم ، وبعد اسبوعين يقولي المشكلة اتحلت .
حاول تاني قعدت اكتر من شهر علي نفس الوضع البطاقة مش راضية تسحب .
والدعم مبيحلش حاجة في الأخر سحبت الفلوس وكسرت الفيزا ( قطع البريد المصري وسنينه ، وهو والبنك المركزي )
نخرج من الموضوع ونرجع لموضوعنا …..
2- فيزا 4U المدفوعة مقدما من بنك العربي الأفريقي :
هي تاني حل انهاردة معانا للسحب علي البايبال المصري ، والفيزا دي بتجيبها من البنك العربي الأفريقي ب75 جنيه مصاريف اصدار .
مدة البطاقة 3 سنين رسوم سنوية 50 جنيه ، رسوم تجديد 50 جنيه ، مصاريف اعادة طباعة الرقم السري 20 جنيه .
لايشترط سن معين للحصول علي البطاقة لو عندك 16 سنة ومعاك بطاقة رقم قومي يمكنك استخراجها .
بطاقة فيزا فور يو هي بطاقة شراء من الانترنت فقط وليست مخصصة للشراء من المتاجر والسوبرماركت .
البطاقة لايمكنها الايداع او السحب من ماكينات atm , ولكن فقط من خلال البنك
اذا اردت سحب اموالك من البطاقة بتقدم طلب وبتقعد 30 يوم عشان تسلتم فلوسك .
أقل مبلغ للايداع 100 جنيه واكثر مبلغ 20000 الف جنيه .
ازاي اطلع بطاقة 4u
هتروح اقرب فرع ليك ومعاك بطاقة سارية
وتقوله عايز اطلع بطاقة فور يو ورسومها 75 جنيه
وتاخد معاك فلوس تودعها في البطاقة مش اقل من 200 جنيه اول مرة لان هياخذ منك رسوم 3% رسوم للعملة .
وبعدين هتستلم البطاقة ورقم تفعيلها وتتصل علي 19555 عشان ياكتفوها شراء علي النت
ومبروك عليك التفعيل والشراء من علي النت .
لغاية كده يعتبر لخصنا الطرق لتفعيل البايبال المصري ودي الطرق اللي بتعتمد علي بنوك مصرية .
نيجي بقي للبنوك الأجنبية ودي برده بنوك مهمة وليها لازمة .
3- بنك بايونير
4- بنك بايسيرا
وبكده أكون قد لخصت لكم احسن الطرق لتفعيل الحساب البنكي في البايبال المصري